E vaquí lo segond numèro de La Beluga ! La còla d’Aprene 1 vos prepausa una nòva passejada per d’articles tan divèrses coma nosautres. Una reflexion poetica-filosofica suls simbòls dau mond occitan, que nos son pròches e nos questionan, un viatge en polifonia, una non-ficcion que vos rampelarà benlèu las mobilizacions politicas en França, un tèxte filosofic sus la riquesa de la diversitat lingüistica… e fin finala, le raconte aprèp lo retorn de dos membres de la còla de Carrièras Occitanas.
La formacion continua, partiguèrem observar de classas d’Occitania tota, remplaçar de regent·as… Puèi tornèrem a Besièrs amb una lenga que s’afirma e amb de questions a partejar. Astrada : i èran tanben los Aprene-2 e los Aprene-3. Passèrem tres jorns amassa, poguèrem charrar, partejar de dificultats aital coma de capitadas : aiçò dòna una cèrta densitat a la debuta d’aqueste camin de calandrinas.
Podèm pas publicar aqueste jornal sens un mot pel moviment social en cors : la còla sosten las mobilizacions daus licean·as que considera legitimas.
Bona lectura, e a lèu lèu !